14 май 12:49
Янгиликлар

Бокс/ММА

Майки Гарсия ва Роберт Истер бирлаштирувчи чемпионлик жанги ўтказишади

Енгил вазн тоифасида WBC йўналиши чемпиони Майки Гарсия ҳамда IBF чемпиони Роберт Истер ўзаро бирлаштирувчи чемпионлик жангида рингга кўтарилишади.

Ниҳоят, томонлар бу борада келишиб олишди. Бирлаштирувчи чемпионлик жанги 28 июль куни АҚШнинг Лос-Анжелес шаҳрида бўлиб ўтади. Ушбу бокс оқшоми доирасидаги яна бир чемпионлик жангида иккинчи ўрта вазн тоифасида WBO чемпиони 21 ёшли Давид Бенавидес ўз камарини ҳимоя қилади.

Эслатиб ўтамиз, бир муддат аввал Майки Гарсия биринчи ярим ўрта вазн тоифасида ўзига тегишли бўлган IBF чемпионлик камаридан воз кечган ва енгил вазнга қайтган эди. Гарсия бу вазнда сўнгги бор 2017 йилнинг январь ойида рингга кўтарилганди.