20 фев 13:13
Янгиликлар

Футбол

Мбаппе Альбага: "Мен кўчада сени ўлдираман"

ЕЧЛ 1/8 финал доирасидаги "Барселона" - ПСЖ (1:4) ўйинида келишмовчилик содир бўлди.

Тўқнашувда парижликлар ҳужумчиси Килиан Мбаппе ва "Барселона" ўйинчилари Хорди Альба, Сержино Дест ва Жерар Пике иштирок этди. Уларнинг сўзларини эса Movistar+ телеканали эфирга узатди.

Ҳаммаси биринчи таймда бошланди, Дест вазиятлардан бирида Мбаппега қарши қўполлик ишлатди, аммо шундан сўнг ундан узр сўради. Франциялик эса бунга жавобан испанчада "Менга тегма" деди.

Альба вазиятга аралашди ва деди: "Вазиятга кенгроқ қара. У сендан узр сўради". Мбаппе эса унга жавобан деди: "Кўчада сени ўлдираман". "Барселона" ҳимоячиси гапирмади. Вазиятга Пике аралашди ва сўради: "Сен кимни ўлдирмоқчисан?". Франциялик Альба қарата такрорлади: "Мен кўчада сени ўлдираман".