10 июл 08:33
Янгиликлар

Футбол

Мбаппе Франциянинг ЖЧ-2026 1/2 финалига чиққанига муносабат билдирди

Франция терма жамоаси ҳужумчиси Килиан Мбаппе ЖЧ-2026 чорак финалида Марокаш терма жамоаси устидан қозонилган ғалабадан (2:0) сўнг ўз фикрларини баён этди.

"Маррагача ҳали анча бор. Олдинда биз босиб ўтган йўлдан кўра анча қийинроқ синовлар кутаётганини биламиз. Кейинги босқичларда содир бўладиган воқеаларга тўлиқ тайёрмиз", — деди Мбаппе.

Ушбу учрашувда Мбаппе битта гол урди ва битта голли узатмани амалга оширди. Шунингдек, ҳужумчи биринчи бўлимда пенальтидан унумли фойдалана олмади.

ЖЧ-2026 ярим финалида Франция миллий терма жамоаси Испания — Бельгия (10 июль) жуфтлиги ғолиби билан тўқнаш келади.