“Мэдисон Сквер Гарден”да чипталар сотуви бўйича рекорд ўрнатилди

Дунёга машҳур “Мэдисон Сквер Гарден” аренасида ўтадиган бокс оқшомининг марказий жанги супероғир вазн тоифасида бир йўла тўртта - WBA, IBF, IBO ҳамда WBO чемпионлик камарлари соҳиби Энтони Жошуа иштирокида бўлади. 

Британиялик боксчи илк маротаба АҚШда жанг ўтказади. Унинг рақиби америкалик Жаррелл Миллер бўлади. Ушбу жанг учун чиқарилган чипталар аллақачон сотиб бўлинган. Дастлабки ҳисоб-китобларга кўра “Мэдисон Сквер Гарден” аренаси тарихида чипталар сотуви бўйича рекорд ўрнатилган. Ҳозирча аниқ сумма айтилмаяпти.