Медведев бир уринишда Галле турнири 1/4 финалига чиқди

Дунёнинг учинчи ракеткаси Даниил Медведев ушбу мусобақадаги иштирокини ғалаба билан бошлади. Россиялик теннисчи иккинчи даврада ATP рейтингининг 65-поғонасида бораётган сербиялик Ласло Дьерени уч сет натижасига кўра мағлубиятга учратди - 6/3, 6/7(5), 6/3.

Теннисчиларнинг ўзаро учрашувларида Даниил ҳисобда олдинга чиқди - 2:1. Икки соату 12 дақиқа давом этган баҳсда Медведев 7, Дьере 9 та эйс зарбасини амалга оширган. Россияликнинг Terra Wortmann Open турнири 1/4 финалидаги рақиби Роберто Баутиста-Агут бўлади. Испаниялик теннисчи иккинчи босқичда америкалик Брэндон Накашимадан устун келди - 7/5, 7/6(2).