Медведев тўртинчи учрашувда ҳам Пуйега ютқазди

Дунёнинг 13-ракеткаси Даниил Медведев иккинчи давра учрашувида ўзи учун ноқулай бўлган рақиби Люка Пуйега ютқазиб қўйди. Рейтингнинг 26-поғонасидан жой олган франциялик теннисчи 7/6(6), 4/6, 6/2 ҳисобида ғалаба қозонди.

Икки соату 1 дақиқа давом этган учрашувда россиялик теннисчи 19та эйс зарбасини амалга оширган бўлса-да, лекин бу ғалаба учун камлик қилди. Люка ўзаро учрашувларда 4:0 ҳисобида олдинга чиқиб олди. Энди француз чорак финалда германиялик Ян-Леннард Штруффга қарши кортга чиқади.