Медведев "Уимблдон"нинг 1/8 финалига чиқди

Жаҳоннинг учинчи ракеткаси россиялик Даниил Медведев турнирнинг учинчи даврасида АТР рейтингида 67-ўринни эгаллаб турган венгриялик Мартон Фучовичга қарши кортга чиқди. 

Уч соату 1 дақиқа давом этган учрашувда Медведев рақибини 4 сет натижасига кўра мағлуб этди - 4/6, 6/3, 6/4, 6/4. Шу тариқа, Даниил ўзаро учрашувлардаги устунликни ҳам оширди - 4:1. 

Россиялик теннисчи фаолиятида иккинчи бор "Уимблдон"нинг 1/8 финалига чиқди ва мавсумда илк бор "Катта Дубулға" турнирининг иккинчи ҳафтасига ўтди. Энди у тўртинчи даврада чехиялик Иржи Лехечкага қарши баҳс олиб боради.