Мексикада ўтадиган UFC 320 турнирининг асосий жанги айтилди

Вазиятга яқин манбаларнинг хабар беришича, ярименгил вазн тоифасида амалдаги UFC чемпиони Александр Волкановски ушбу турнирнинг асосий жангида октагонга чиқиши мумкин. Австралиялик чемпионнинг рейтингда тўртинчи ўринни эгаллаб турган Яир Родригесга қарши жанг ўтказиши айтилмоқда.   

Бу маълумотни таниқли менежер Али Абдел-Азиз ҳам тасдиқлади. Волкановски ва Родригес сўнгги бор 12 апрель куни Майамида ўтган UFC 314 турнирида ўз жангларини ўтказган эди. Алекс вакант қолган чемпионлик камари учун кечган беш раундлик жангда Диего Лопесни очколар эвазига мағлуб этган бўлса, мексикалик собиқ Bellator чемпиони Патрисио "Питбуль" Фрейредан устун келганди.

Агар чиндан ҳам Волкановски - Родригес жанги амалга ошса, у ҳолда бу реванш мақомидаги тўқнашув бўлади. 2023 йилнинг июль ойида ўтган илк жангда Волкановски учинчи раундда Яирни техник нокаутга учратиб, ярименгил вазндаги UFC чемпионлик камарини қўлга киритганди.