06 мар 20:33
Янгиликлар

Бокс/ММА

Мелиева япониялик кучли рақибасини мағлуб этди

Иордания пойтахти Амман шаҳрида бокс бўйича Токио-2020 Олимпиадасининг Осиё /Океания минтақаси учун лицензион турнири давом этмоқда.

Хабар берганимиздек, бугунги кун дастуридан тўрт нафар боксчимизнинг рингга чиқиши ўрин олганди. Улардан Бобоусмон Батуров кундузги дастурда Янги Зеландия вакили Доминик Ройни мағлубиятга учратди.

Ҳозиргина эса -69 кг вазндаги боксчи қизимиз Мафтунахон Мелиева ўз жангини якунлади. Ҳамюртимиз япониялик Маи Китога қарши рингга чиқди ва Токио Олимпиадаси мезбонини 4:1 ҳисобида мағлубиятга учратди. Унинг кейинги рақибаси ҳиндистонлик кучли боксчи, жаҳон ва Осиё чемпионати совриндори бўлади.

Бироздан сўнг -75 кг вазн тоифасидаги боксчимиз Навбаҳор Ҳамидова қозоғистонлик Надежда Рябецга қарши рингга кўтарилади.