UZ

Сўнгги янгиликлар

17:10ОЛИМПИАДАГАЧА. Ўзбекистоннинг Олимпия ўйинларидаги илк иштироки қандай ўтган? (Мутолаа учун) 0 16:48Жек Пол энди кимга қарши жанг қилмоқчи эканлигини айтди 0 16:25Олимпиадада футбол: Рекордлар ва статистика 0 16:02Ник Диаснинг UFC'даги жанги бекор қилинди 0 15:38"Ҳумо" жамоаси Москвада йиғинга киришди (ФОТОГАЛЕРЕЯ) 0 15:16Кроуфорд: "Мадримовга енгил назар билан қараётганим йўқ" 0 14:53Месси «Интер Майами» сафида нечта ўйин ўтказиб юбориши маълум 0 14:26Биласизми? Олимпия ўйинлари очилиш маросими бу сафар стадионда ўтказилмайди 0 14:05Расман. Маҳмуд Мурадов кейинги жангини кимга қарши ўтказиши тасдиқланди. Унинг рақиби ҳам собиқ UFC жангчиси! 0 13:44Формула-1. Оскар Пиастри – Венгрия Гран-приси ғолиби! 0 13:23Расман: "Арсенал" "Аякс" дарвозабони билан шартнома имзолади 0 13:02"Тур де Франc" кўп кунлик пойгасининг ғолиби аниқланди 0 12:41Жаҳон чемпионати йўлланмаси ўртага қўйилган Ўзбекистон чемпионатида ғолиблар маълум 0 12:20Жервонта Дэвис Париж-2024 Олимпия ўйинларига боради 0 11:59"Ювентус" Йилдизни қўйиб юборишни хоҳламаяпти 0

05 май 11:38
Янгиликлар

Енгил атлетика, Тадбирлар

"Мен ғолиб!" югуриш мусобақаси олдидан матбуот анжумани бўлиб ўтди + ФОТО

Теглар :  Мен ғолиб
14 май куни Тошкентда ҳарбий-ватанпарварлик руҳидаги "Мен ғолиб" оммавий югуриш мусобақаси бўлиб ўтади.

Кеча шу муносабат билан Ўзбекистон енгил атлетика федерациясининг анжуманлар залида "Мен ғолиб" ҳарбий-ватанпарварлик оммавий югуриш мусобақасини ўтказишга тайёргарлик кўришга бағишланган матбуот брифинги бўлиб ўтди.

"Ҳумо Арена" спорт мажмуасининг старт-финиш майдончасида бўлиб ўтадиган оммавий югуриш мусобақаси Енгил атлетика федерацияси, бош ҳамкор – “Ўзбекнефтгаз” АЖ томонидан, Фавқулодда вазиятлар вазирлиги ва Тошкент шаҳар ҳокимияти кўмагида ташкил қилинмоқда.

"Мен ғолиб" ватанпарварлик оммавий югуриш мусобақаси анъанавий равишда муҳим давлат саналари – Ватан ҳимоячилари куни, Ўзбекистон Республикаси Мудофаа кучлари ташкил этилганлиги ҳамда Хотира ва қадрлаш кунини нишонлашга бағишланган ҳолда ўтказилади.

Куч ишлатувчи тузилмалар ходимлари, ҳарбий хизматчилар, ҳарбий таълим муассасалари курсантлари, спорт клублари аъзолари ва фаол ҳаёт тарзини севувчилар йилига икки маротаба жамоавий ва яккалик оммавий югуриш мусобақасида қатнашадилар.

Оммавий югуриш пойгасини ўтказишдан кўзланган мақсад аҳоли ўртасида югуриш ва соғлом турмуш тарзини оммалаштириш, ҳарбий хизматчиларнинг спорт руҳини сақлаш ва дўстона спорт алоқаларини ривожлантириш, куч ишлатувчи тузилмалар идораларининг вакиллари орасидан энг кучли жамоаларни аниқлашга қаратилган. 

Бу галги "Мен ғолиб" оммавий югуриш мусобақаси 14 май куни ўтказилиб, Хотира ва қадрлаш кунига бағишланади. Ушбу спорт тадбири илк маротаба 2000 га яқин иштирокчини бирлаштиради. Оммавий югуриш мусобақасининг дастури кенгайтирилди ва унга 3 та масофа киритилди: ярим марафон – 21,1 км, чорак марафон - 10,5 км ва 3 км га оммавий югуриш мусобақаси. Оммавий югуриш мусобақалари ўтказиладиган кунда иштирокчилар йиғилиши - 06:00 да бошланади, старт 07:00 да берилади.

"Мен ғолиб" кубогини қўлга киритиш учун Мудофаа вазирлиги, Миллий гвардия, Ички ишлар вазирлиги, Фавқулодда вазиятлар вазирлиги, Давлат хавфсизлик хизмати, Президент Давлат хавфсизлик хизмати, Давлат божхона қўмитаси вакилларидан иборат 7 та жамоа ҳамда куч ишлатувчи тузилмалар таълим муассасаларининг 6 та жамоаси кураш олиб боради.

Ташкилотчилар томонидан 14 та номинация учун қимматбаҳо совғалар кўзда тутилган: планшет, смартфон, смарт соатлар, электр скутерлар, ноутбуклар ва эсдалик сертификатлари.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг