20 окт 12:38
Янгиликлар

Бокс/ММА

Мэнни Пакьяо: “Бронер билан жангим 90 фоизга ҳал”

Саккиз вазн тоифасида собиқ жаҳон чемпиони, айни пайтда ярим ўрта вазнда WBA Regular чемпионлик камари соҳиби Мэнни Пакьяо январь ойида жанг ўтказишини тасдиқлади.

Бу маълумотни филиппинлик боксчининг шахсан ўзи ўтказилган хайрия тадбирларининг бирида тасдиқлаган.

“Бронер, Эдриэн Бронер. Ҳа, бу жанг 90 фоизга ҳал бўлган. Жанг 12 ёки 19 январь куни АҚШнинг Лас-Вегас шаҳрида бўлиб ўтади”, - деди Пакьяо.

Аввалроқ, Мэнни Пакьяонинг америкалик Эл Хэймон билан шартнома имзолагани ҳамда Флойд Мейвезерга қарши реванш жанги ўтказиши мумкинлиги ҳақида хабар берилганди.