11 авг 08:48
Янгиликлар

Бокс/ММА

Мэнни Пакьяо WBC рейтинги пешқадами бўлиб олди

Филиппинлик 46 ёшли афсона яримўрта вазн тоифаси WBC рейтингида биринчи ўринга кўтарилиб олди.

Ушбу йўналишда камар соҳиби Марио Барриос бўлиб турибди. Саккиз вазн тоифасида собиқ жаҳон чемпиони ҳисобланган Пакьяо 20 июль куни Лас-Вегасда айнан Барриосга қарши рингга кўтарилганди. Ўн икки раунд тўлиқ давом этган чемпионлик жангида ҳакамлар дуранг натижа қайд этишган эди. Бу эса эътирозларга сабаб бўлганди.

Маълумот учун, Мэнни Пакьяо бундан роппа-роса 30 йил аввал, 1995 йилда профессионал боксда дебют қилганди. 1998 йилнинг декабрь ойида ўта енгил вазн (50,8 кг) тоифасида WBC чемпионига айланганди. Бу унинг проф боксдаги илк камари эди. Кейинчалик иккинчи енгил (55,3 кг), иккинчи ярименгил (59 кг), енгил (61,2 кг), яримўрта (66,7 кг) ва биринчи ўрта вазн (69,9 кг) тоифаларида ҳам жаҳон чемпиони бўлган.