04 июл 12:19
Янгиликлар

Бокс/ММА

Мэнни Пакьяо: “Хорн бош ва тирсак билан зарба берди”

Якшанба куни Австралиянинг Брисбен шаҳрида ўтган бокс оқшомида филиппинлик 38 ёшли Мэнни Пакьяо ҳакамларнинг нохолис қарорига кўра 29 ёшли мезбон боксчи Жефф Хорнга очколар ҳисобига кўра имкониятни бой берганди.

Саккиз вазн тоифасида собиқ жаҳон чемпионининг рақиби Мэннидан гавдалироқ ва оғирроқ ҳам эди. Лекин Пакьяонинг айтишича, мағлубиятнинг сабаби бу омилларда эмас.

“Рақиб бош ва тирсаги билан жуда кўп зарба берди. Кейин бўйнимдан ушлаб олаверди. Бунинг натижасида бошим ва қошим ёрилди. Рефери эса бу ҳаракатларга нисбатан ҳеч қандай чора қўлламади. Хорндан очко олиб ташламади.

Афтидан, ҳакам тажрибали эмасди. Акс ҳолда жанг умуман бошқа натижа билан якунланар эди. Унинг гавдали эканлиги ҳеч нарсани англатмайди”, — деди Пакьяо.