09 авг 19:38
Янгиликлар

Бокс/ММА

Мэнни Пакьяо йил охиригача жанг ўтказмоқчи

Филиппинлик афсонавий боксчи Мэнни Пакьяо тез орада рингга қайтиш ниятида.

Саккиз вазн тоифасида собиқ жаҳон чемпиони Даяна Кастилехо билан бўлган суҳбатда навбатдаги жангини шу йилнинг охиригача, аниқроғи декабрь ойида ўтказмоқчи эканлигини айтган.

Мэннининг қишки жангдаги эҳтимолий рақибларидан бири америкалик Роландо Ромеро бўлиб, у сўнгги жангида Райан Гарсияни сенсацион тарзда мағлуб этганди.

Эслатиб ўтамиз, июль ойида 46 ёшли Мэнни Пакьяо яримўрта вазн тоифасидаги WBC чемпионлик камарини қўлга киритишга уриниб кўрганди. Ўн икки раунд тўлиқ давом этган жангда ҳакамлар бироз эътирозли тарзда америкалик чемпион Марио Барриосга ғалабани тақдим этишган эди.