25 окт 12:58
Янгиликлар

Бокс/ММА

Мераб Двалишвили Нурмагомедовни "синдириш"га ваъда берди

Ўта енгил вазн тоифасида UFC чемпиони грузиялик Мераб Двалишвили россиялик Умар Нурмагомедовга кескин жавоб қайтарди.

"Сени синдираман, Умар! Баутиста эса сени яна мулойимгина қилиб, жойингни кўрсатиб қўяди", - деб ёзди Двалишвили Нурмагомедовнинг ижтимоий тармоқдаги постларидан биридаги изоҳида.

Бугун БАА пойтахти Абу-Даби шаҳрида бўлиб ўтадиган UFC 321 турнирида Умар Нурмагомедов америкалик Марио Баутистага қарши октагонга чиқади.

Маълумот учун, шу йил Мераб Двалишвили Нурмагомедовни ҳакамларнинг якдил қарори билан мағлуб этганди. Россиялик 2026 йилда чемпион билан яна бир бор жанг ўтказмоқчи.

Двалишвили 7 декабрь куни яна бир россиялик Пётр Янга қарши жангда камарини ҳимоя қилади. Мераб 2025 йил ҳисобидан чемпионлик камарини тўртинчи бор ҳимоя қилади.