Мераб Двалишвили Умар Нурмагомедовнинг мағлубиятига илк бор фикр билдирди

Умар Нурмагомедовга бўлган шахсий адоватига қарамай, Мераб Двалишвили россиялик собиқ рақибининг Сонг Ядонг билан жангда нокаут эвазига оғир мағлубиятга учраганидан қувонмади.

"Сонг Ядонгнинг чиқиши таъсирли бўлди. Мен бу йигит хавфли эканини доим билардим. Умар мағлуб бўлганини кўрганимда, хурсанд бўлмадим, чунки мен ҳеч кимга мағлубият ёки бундай нокаутни раво кўрмайман. Мен қувонмадим, лекин Сонг Ядонг учун хурсандман, чунки у энди янги даъвогар", – деди грузиялик жангчи UFC on Paramount нашрига берган интервьюсида.

Эслатиб ўтамиз, 24 октябрь куни Абу-Дабида бўлиб ўтадиган UFC 333 турнирида Мераб Двалишвили Петр Ян билан трилогиянинг якуний жангида енгил вазн тоифасидаги чемпионлик камарини қайтариб олишга уриниб кўради. Агар у ушбу жангда ғалаба қозонса, Сонг Ядонг у билан тўқнаш келиш учун асосий номзодга айланади.

"Бу янги қон, мен у билан ҳали ҳеч қачон жанг қилмаганман. У менга қизиқ, чунки у нокаут қилувчи кучга эга. Худо хоҳласа, Пётрни енгаман. Ўйлайманки, шундан сўнг Сонг Ядонг менинг навбатдаги рақибим бўлади, чунки биз ҳали у билан жанг қилмаганмиз", – дея сўзларига якун ясади UFC собиқ чемпиони Мераб Двалишвили.