Мераб Двалишвили янги Лига билан шартнома имзолади + ФОТО

Грузиялик аралаш яккакураш устаси Real American Freestyle профессионал кураш лигаси билан шартнома имзолади. Унинг дебют беллашуви 18 апрель куни Филадельфияда бўлиб ўтадиган RAF 8 турнири кардини тўлдиради. Ташкилот Мераб билан шартнома имзолаганини расман эълон қилди. Унинг рақиби кейинроқ ошкор этилади. 

Эслатиб ўтамиз, Мераб Двалишвили ўтган йилнинг декабрь ойида россиялик Петр Янга ҳакамларнинг якдил қарори билан ютқазиб, чемпионлик камарини бой берганди. Ян ва Двалишвили ўртасидаги учинчи жанг шу йилнинг ёзига режалаштирилган.

Аввалроқ маълум бўлишича, RAF лигасига Двалишвилининг дўсти ва спарринг шериги Алжамейн Стерлинг ҳам қўшилди. У қисқа муддатда жангни қабул қилди ва Чед Мендеснинг ўрнини эгаллайди. Стерлинг шу ҳафта охирида RAF 6 турнирида енгил вазн тоифасида UFC ва WEC собиқ чемпиони Бенсон Хендерсонга қарши курашади.