Мераб Двалишвили йил охиригача иккита жанг ўтказади

Бу ҳақда грузиялик жангчи MMA Junkie нашрига берган интервьюсида маълум қилди.

"Бу йил иккита жанг ўтказмоқчиман: ёзда Петр Ян билан трилогияни якунлайман ва йил охиригача яна битта жанг ўтказаман. Мен фаол бўлишни ва севган ишимни давом эттиришни хоҳлайман. Чемпион бўламанми ёки йўқ, шунчаки иложи борича кўпроқ жанг қилишни истайман, чунки бу мени бахтли қилади. Ютаманми ёки ютқазаманми, қўлимдан келганини қиламан", - деди Двалишвили.

Декабрь ойида энг енгил вазн тоифасида UFC чемпионлик камарини йўқотган Двалишвили россияликка қарши жангдаги мағлубиятининг сабаби жисмоний эмас, балки психологик хусусиятга эга деб ҳисоблайди.

"Бахтли бўлганимда ва завқ олганимда, мен одатда яхши ўйнайман. Ўйлашимча, Пётр билан бўлган сўнгги жангда менга айнан шу етишмади. Мен ҳаддан ташқари зўриққан ва эътиборли эдим. Кейинги сафар мен ўзим бўламан", - дея қўшимча қилди собиқ UFC чемпиони.

Айни пайтда Ян ва Двалишвили ўртасидаги учинчи жанг расман эълон қилинмаган, аммо назарий жиҳатдан у жорий йилнинг июль ёки август ойларида бўлиб ўтиши мумкин.