11 июн 12:26
Янгиликлар

Теннис

Mersedes Cup. Истомин - Кольшрайбер учрашуви эртага ўтказилади

Бугун Германиянинг Штутгарт шаҳрида теннис бўйича нуфузли “Mersedes Cup” турнирининг асосий тўр баҳслари бошланади.

Майсали кортлардаги ушбу мусобақада ҳамюртимиз Денис Истомин ҳам иштирок этади. Рейтингда тобора пастлаб бораётган мамлакатимизнинг биринчи ракеткаси илк даврада кучли рақибга қарши кортга чиқади.

Истомин биринчи босқичда мезбонлар вакили, мусобақанинг бешинчи сараланган теннисчиси Филипп Кольшрайбер билан муносабатларига ойдиндик киритиб олади. Ушбу учрашув Тошкент вақти билан соат 14:00да бошланиши белгилаб қўйилган.

Таққослаш учун, Денис Истомин бугун эълон қилинган рейтингда роппа-роса 100-ўринни эгаллаб турибди. Кольшрайбер эса 22-поғонадан жой олган. Теннисчилар шу кунгача ўзаро 5 маротаба учрашишган. Ана шу баҳсларнинг 3тасида Денис, қолган 2тасида Филипп ғалаба қозонган.