06 май 13:28
Янгиликлар
Теннис
Мертенс қаторасига иккинчи совринига эга чиқди, бу сафар у Рабатда тенгсиз!
Бельгиялик теннисчи Элисе Мертенс Марокашнинг Рабат шаҳрида якунланган турнир ғолибасига айланди.
International тоифасига кирувчи ушбу турнирда биринчи рақам остида ҳаракат қилган Элисе ҳал қилувчи финал учрашувида хорватиялик Айла Томляновични 6:2, 7:6 (7:4) ҳисобида мағлубиятга учратди.
Финал баҳси 1 соату 45 дақиқа давом этди. Бу Мертенс учун фаолиятидаги тўртинчи, жорий мавсумдаги учинчи титул бўлди. Элисе Рабатдан олдин Хобарт ва Луганодаги турнирларда ҳам бош мукофот соҳибасига айланган эди.
Рабатдаги муваффақиятли иштирок дунёнинг 19-ракеткасига 43 000 доллар мукофот пули ҳамда 280 рейтинг очкосини тақдим этди.
Ҳавола :
Фикрлар