Мейвезер боксга қайтиши ҳақида: Мен ҳали бу бизнесни тарк этганим йўқ

"Мен бу бизнесни ҳали тарк этганим йўқ. Лекин, мен яна рингга қайтадиган бўлсам бу бокс эмас, шоу ва бизнес бўлади. Хеч қандай бокс йўқ. Менга етади, ҳозир нафақадаман. Бу менга ёқяпти. 

МакГрегор билан эҳтимолий жанг? Одамлар 370 миллион долларни узоқ вақт давомида ишлашмоқда. Мен буни бир кечада ишладим. Икки марта 320 миллион доллардан ишлаб олиш имкониятим бўлди. Бунинг учун 36 ёки 28 дақиқа етарли бўлди. 

Агар яна бундай имконият бўлса ва бу менга завқ бағишласа, мен 600 миллион доллар ишлаб олсам, нима учун йўқ? Лекин мен муносибларга қарши рингга чиқаман. Ҳозир мени қайтишга мажбур қиладиган муносиб рақибни кўрмаяпман. Бокс билан барчаси тугаган. Мен ҳаётдан завқ олмоқдаман", - деди Мейвезер. 

Эслатиб ўтамиз, аввалроқ Флойд мураббийлик соҳасида ўзини синаб кўрмоқчи эканлигига шаъма қилганди.