02 июн 07:23
Янгиликлар
Бокс/ММА
Мейвезер Жорж Флойднинг дафн маросимини ўз зиммасига олди
Бокс афсонаси Флойд Мейвезер афроамерикалик Жорж Флойднинг оиласига ўзининг беғараз ёрдамини таклиф қилди.
Хабарингиз бор, Жорж Флойд полиция томонидан 20 долларлик қалбаки чекдан фойдаланганликда гумон қилиниб, қўлга олинган эди. Ўша вазиятда полиция офицерларидан бири Жоржни асфальтга ётқизиб, оёғи билан бўйнини олти дақиқа давомида ушлаб туради.
Натижада Флойд хушини йўқотади. Шифокорлар томонидан касалхонага етказилган қора танли Жоржнинг ҳаётини сақлаб қолишнинг имкони бўлмади. Бу нохуш воқеага АҚШнинг кўплаб шаҳарларида оммавий намойишлар бошланиб кетди.
Енгилмас боксчи Флойд Мейвезер беғараз ёрдам тариқасида Жорж Флойднинг дафн маросимига кетадиган барча сарф-ҳаражатларни ўз зиммасига олди. Марҳумнинг оила аъзолари ҳам бу таклифга розилик билдиришди.
Ҳавола :
Фикрлар