20 сен 12:56
Янгиликлар

Бокс/ММА

Мэйвезер Пакьяога қарши учрашув олдидан Токиода жанг қилмоқчи

Бокс бўйича собиқ жаҳон чемпиони Флойд Мэйвезер Мэнни Пакьяога қарши реванш олдидан Токиода жанг ўтказмоқчи.

Ҳозирча рақиб номи ва жанг санаси номаълум. Катта эҳтимол билан у 31 декабрь куни рингга қайтади. Флойд маҳаллий мухлисларни қизиқтириш ва Осиё ҳудудида тижорий лойиҳаларни амалга ошириш учун Японияда жанг қилмоқчи.

Мэйвезернинг ўша кунги рақиби нафақат бокс, балки кикбоксчи ёки ММАчи ҳам бўлиши мумкин.

Эслатиб ўтамиз, Пакьяо ва Мэйвезер ўртасидаги жанг 2015 йилнинг май ойида ўтказилган ва якунда Флойд ҳакамлар қарорига кўра ғалаба қозонганди.