04 окт 10:38
Янгиликлар

Бокс/ММА

Мейвезер ва Пакьяо ўртасидаги реванш жанги ўтказилади

Фаолиятини енгилмас боксчи сифатида якунлаган америкалик Флойд Мейвезер ҳамда саккиз вазн тоифасида собиқ жаҳон чемпиони филиппинлик Мэнни Пакьяо ўртасидаги реванш жанги тобора ҳақиқатга айланиб боряпти.

Дунёга машҳур Showtime Sports телеканали президенти Стивен Эспиносанинг сўзларига қараганда, Мейвезер-Пакьяо 2 жанги келаси йили ўтказилади. Мейвезер 2015 йили Пакьяони ҳакамларнинг қарорига кўра мағлуб этган ва шундан сўнг фаолиятини якунлаган эди. Пакьяо эса айни пайтда ярим ўрта вазнда WBA Regular чемпиони ҳисобланади.

- Флойд Мейвезер бу жангнинг ўтказилишига жиддий киришган. Ўз ўрнида Мэнни Пакьяо ҳам бу жангнинг ўтказилишига хайрихоҳ. Бокс аҳли албатта бу жангга гувоҳ бўлади. Энг муҳими, икки томонда ҳам реванш жангига қизиқиш жуда юқори. Мейвезер-Пакьяо 2 жанги учун идеал вақт бу 2019 йил!, - дея сўзларига якун ясади Эспиноса.