24 мар 08:38
Янгиликлар

Теннис

Miami Open. Дунёнинг биринчи ракеткаси ҳам бошлади

АҚШнинг Майами шаҳрида аёл теннисчилар ўртасида мукофот жамғармаси 8,9 миллион долларни ташкил этувчи Miami Open турнири ўтказиляпти.

Сайёрамизнинг биринчи ракеткаси Ига Свёнтек мусобақадаги иштирокини енгил ғалаба билан бошлаб олди. Тўғридан-тўғри иккинчи даврадан баҳсларга қўшилган польшалик теннис маликаси италиялик Камила Жоржига иккитагина гейм ютиб олиш имконини берди - 6:1, 6:1.

Олтмиш саккиз дақиқалик баҳсда Свёнтек ҳам, Жоржи ҳам 2 тадан эйс зарбасини амалга оширган. Камила 9 та қўшхатога йўл қўйди. Энди Свёнтек учинчи босқичда чехиялик Линда Носковага қарши кортга чиқади. Мусобақанинг амадаги чемпиони чехиялик Петра Квитова ҳисобланади. У ўтган йилги финалда қозоғистонлик Елена Рибакинани таслим этганди.