22 фев 08:03
Янгиликлар

Спорт курашлари

Минск ўрмонида минус 10 даража совуқда қўй думбасидан ОШ тайёрланди + ФОТО

Юнон-рум кураши бўйича Ўзбекистон терма жамоасининг Беларусь пойтахти Минск шаҳрида ўтказаётган ўқув-машғулот йиғини қизғин суратда давом этмоқда.

Терма жамоамиз мураббийи Равшан Рўзиқуловнинг бизга хабар беришича, машғулотлар кунига бир маҳалга ўтказилган. Курашчиларимиз турнирга яқин қолгани учун вазн ташлаш жараёнини бошлашган. Мураббийларимиз энди курашчиларимиз билан тўғридан-тўғри турнирга гиламда тактик тайёргарликка эътибор қаратишади.

Ундан аввал эса терма жамоамиз аъзоларини ўзбек палови билан хушнуд этишди. Минус 10 даража совуқда Минск ўрмонида қозон-ўчоқ ва ўтинда қўй думбасига тайёрланган ош кўринишидан жуда ҳам мазали чиққан. Терма жамоамиз шифокори Елена Абаева эса ошдан кейин дастурхонга десерт сифатида торт тортиқ этди.