Мирафзал Аҳтамовнинг жанги бекор қилинди

Ярим ўрта вазн тоифасидаги ММАчимиз Мирафзал Аҳтамов 24 февраль куни Нью-Йоркда бразлиялик Диего Бьянкинига қарши октагонга чиқиши керак эди. Бироқ, ҳамюртимиз соғлиги билан боғлиқ муаммо туфайли ушбу жангда иштирок эта олмайди.

«Жангим кейинги турнирга қолдирилди. Бир ҳафта олдин инфекция юқтириб олган эдим, кучли антибиотиклар қабул қилдим, аммо соғлигимни тиклай олмадим. Жангни бекор қилмасликка ҳаракат қилдим. Лекин вазн ташлашни бошлашим билан аҳволим оғирлашди. Соғликни тиклаб, яхшироқ тайёрланиб қайтамиз», - деб йзоди Аҳтамов ижтимоий тармоқда.