Мирафзал Ахтамов: "Тезроқ UFC'га ўтишим учун битта чиройли жанг ва ғалаба керак"

У 2 август куни АҚШнинг Нью-Йорк штати, Саламанка шаҳрида бўлиб ўтадиган LFA 189 турнири доирасида америкалик Жеффри Крейг билан тўқнаш келади.

Бўлажак жанг олдидан Мирафзал Ахтамов olamsport.com мухбири билан суҳбатда Дана Уайт даъвогарлар сериясида жанг қилиши мумкинлиги борасида ўз фикрларини билдириб ўтди.

"Менежерим Шон Шелби билан алоқада бўлиб турибди. Дана Уайтнинг даъвогарлар серияси август ойидан октябрга қадар давом этади. LFA билан шартнома қилганимизнинг сабаби, бу бизга захира варианти бўлади. Агар даъвогарлар сериясидан жанг ола олмасак, LFA'да жанг қиламан. 

Агар DWCS жанг берса, LFA'даги жангимни бекор қилиб, даъвогарлар сериясида иштирок этаман. Тезроқ UFC'га ўтишим учун ҳозир менга битта чиройли жанг ва ғалаба керак. Рақибим аниқ, у америкалик. Жанг 2 август куни Нью-Йоркда бўлади", деди Ахтамов.