UZ

Сўнгги янгиликлар

18:41Самбо бўйича Осиё-Океания чемпионатининг илк кунида Ўзбекистон вакилларидан медаллар шодаси 0 18:20Остон Ўрунов болаликдаги устозига машина совға қилди 0 17:59Илк бор ташкил этилган “Judo Clubs” мусобақаси юқори савияда ўтказилди + ФОТОРЕПОРТАЖ 0 17:38Эвандер Холифилд қачон спортдан кетиш ҳақида ўйлай бошлаганини айтди 0 17:17Тошкентда Осиё-Океания самбо уюшмасининг Конгресси бўлиб ўтди 0 16:56Максим Шацких Абдуқодир Ҳусанов ҳақида гапирди 0 16:35"Ислам Махачевнинг камари учун янги даъвогар бор" - Билол Муҳаммад 0 16:14Рафалович фаолиятини якунлаган бўлса-да, кучли ўнликда. Таэквондочиларимизнинг Жаҳон рейтингидаги ўринлари янгиланди 0 15:53Фьюри ва Жошуа жанги бўйича музокаралар кетмоқда 0 15:32Ўзбекистонлик ҳакамлар ОЧЛ-2 ярим финал ўйинини бошқаради 0 15:11Диего Лопес: "Алекс менга ҳайратланарли нимадир кўрсатгани йўқ" 0 14:48Илия Топурия: "Мен Россияда умуман жанг қилмайман" 0 14:23UFC 314 турнири иштирокчиларининг гонорарлари маълум бўлди 0 13:37БАА – Ўзбекистон учрашуви 12 000 томошабинга мўлжалланган стадионда бўлиб ўтади 0 13:09Жаҳон чемпионати. Хоккейчиларимизнинг бугунги рақиби — илк ўйинида 21 та шайба фарқи билан ғалаба қозонган Арманистон! 0

10 апр 16:55
Янгиликлар

Футбол

Миржалол Қосимов фаолияти давомида амалдаги мамлакат президенти билан тўп тепганини билармидингиз?

Улар биргаликда "Спартак" гегемониясига чек қўйишган.

ОКМК бош мураббийи Миржалол Қосимов 1995 йилда Владикавказнинг "Алания" жамоаси сафида амалдаги Грузия президенти билан бирга ўйнаган.

Ўтган йилнинг декабрь ойида Грузиядаги сайловчилар коллегияси Михаил Кавелашвилини мамлакат янги президенти этиб сайлади. "Грузия орзуси" ҳукмрон партияси томонидан илгари сурилган 53 ёшли депутат президентлик лавозимига ягона номзод эди. Грузия марказий сайлов комиссияси маълумотларига кўра, сайлов комиссиясининг 300 нафар аъзосидан 224таси Кавелашвилига овоз берган.


Қизиғи шундаки, Кавелашвили сиёсий фаолиятини бошлашдан аввал футболчи бўлган. Михаил Кавелашвили 1971 йил 22 июлда Грузиянинг Болсини шаҳрида туғилган. Футболчилик фаолиятини Тбилисининг "Локомотив”ида  бошлаган ва фаолияти давомида Грузия, Россия, Англия ва Швейцария клубларида тўп тепган. Кавелашвили Тбилисининг "Динамо" клуби билан бирга 6 маротаба Грузия чемпиони бўлган. 1995 йилда "Алания" сафига кўчиб ўтган ва Владикавказ клуби сафида Россия чемпионига айланган. Кавелашвили 24та учрашувда иштирок этиб, 12та гол уришга эришган. 1996 йилда футболчи "Манчестер Сити"га ўтади. "Сити" мавсум якунларига кўра Чемпионшипга равона бўлади. Грузиялик футболчи "Сити"нинг янги мавсумдаги қайдномасидан жой олмади, сабаби у Премьер-Лигада етарлича ўйинларда иштирок этмаган бўлади ва шу сабабли биринчи дивизионда майдонга тушиш ҳуқуқидан маҳрум бўлади. Шундан сўнг "Сити" Кавелашвилини Швейцариянинг "Грассхоппер" жамоасига ижарага беради. Қаҳрамонимиз фаолиятидаги кейинги мавсумларни Швейцариянинг "Сьон", "Люцерн", "Цюрих", "Арау" ва "Базель" каби жамоаларда ўтказади, аммо 2004 йилги мавсумнинг иккинчи қисмини "Алания" сафида ижарада ўтказади ва бор-йўғи бешта ўйинда майдонга тушади. Грузия терма жамоаси сафида 45 ўйинда майдонга тушган ва 9 маротаба рақиб дарвозасини ишғол этган.


Футболчилик фаолиятини якунлаганидан сўнг сиёсий фаолиятини бошлайди. Михаил Кавелашвили 2015 йилда Грузия футбол федерацияси президентлигига номзодини қўйишни режалаштирган эди, аммо олий маълумоти йўқлиги сабабли сайловда иштирок эта олмаган. Ҳукмрон "Грузия орзуси" партиясидан Грузия парламентининг IX, X ва XI чақириқлари депутати бўлган. 2016-2022 йилларда парламентнинг Спорт ва ёшлар ишлари қўмитаси раислик вазифасини бажарган. 2022 йилда Кавелашвили ва "Грузия орзуси"нинг бошқа аъзолари Ғарбга қарши кескин риторикаси билан ажралиб турадиган "Халқ кучи" номли алоҳида парламент фракциясини ташкил этишди. 2024 йилда у ўз партияси томонидан Грузия президентлигига номзод этиб кўрсатилди.


ОКМКнинг "Динамо"га қарши кечган учрашувдан сўнг олмалиқликлар бош мураббийи Миржалол Қосимовдан собиқ жамоадоши ва амалдаги Грузия президенти ҳақида сўрадим.

- Миржалол Қўшоқович сизга бир саволим бор эди.

- Хўш.

- Хабарингиз бор бўлса керак, "Алания"да сиз билан бирга тўп тепган Михаил Кавелашвили декабрь ойида Грузиядаги президент сайловларида ғолиб бўлди. Кавелашвили билан 1995 йилги мавсумда бирга тўп тепгансизлар. Айнан ўша мавсумда "Алания" чемпионликни қўлга киритганди. Кавелашвили 12та гол билан жамоа тўпурари бўлган. Сиз эса ўша мавсумда жамоанинг энг сермаҳсул ўйинчиси бўлгансиз(10та гол + 12та ассист). Ўша мавсум ва Кавелашвили билан бирга ўйнаш қандай бўлган эди? Шу ҳақда бироз айтиб бера оласизми?

- Ҳа, Мишани эслайман. Биз ўша мавсумда чемпион бўлгандик. Яхши ҳужумчи эди, ўта юқори техникага эга тезкор. Биласанми, ўша мавсумда "Алания" сафида грузиялик футболчилар кўп эди ва айнан ўша авлод жуда кучли бўлганди. Барча грузинлар юқори техникали ва маҳоратли эдилар. Кавелашвили "Алания"дан сўнг Швейцарияга кетган эди.

- "Алания" кейин ҳам Кавелашвили билан гаплашиб турганмисизлар? Ҳозир у билан алоқангиз борми?

- - Йўқ. У сиёсатчи-ку, биз эса оддий инсон бўлсак. Балки Ўзбекистонга келиб қолса, бизни ҳам чақирар (ҳазиллашади — таҳририят).


Энди бироз "Алания" жамоасининг 1995 йилги мавсумига тўхталсак. Владикавказнинг "Алания" жамоаси 1995 йилги Россия чемпионати олтин медалларини қўлга киритади. Валерий Газаев бошчилигидаги жамоа "Спартак"нинг гегемонлигига чек қўяди. Жамоа мавсум давомида 22та учрашувда ғалаба қозониб, 71 очко билан мусобақа жадвалининг энг юқори поғонасидан жой олади.

Ўша мавсумда "Алания" таркибида Кавелашвилидан ташқари Муртази Шелия ва Иосия Гришикашвили каби грузиялик футболчилар жамоа таркибида бўлишган. Муртазия Шелия ҳам Кавелашвили каби "Алания"даги муффавақиятли мавсумларидан сўнг "Манчестер Сити"га кўчиб ўтган.

Валерия Газзаев жамоаси ўша мавсумда ажойиб таркибга эга бўлган. Омари Тетрадзе, Бахва Тедеев, Игорь Яновский ва Назим Сулейманов каби футболчилар Қосимов билан бирга Россия чемпионлигини қўлга киритишган.



Қосимовнинг тарихий голи

1995 йили 12 сентябрь куни УЕФА Кубоги доирасида "Ливерпуль" билан тўқнаш келади. Учрашувнинг 20-дақиқасида мерсисайдликлар ҳимоячиси Марк Райт рақибини қўполлик ишлатган ҳолда тўхтатади ва бош ҳакам "Ливерпуль" дарвозаси томон жарима зарбаси белгилайди. Миржалол Қосимов эса ажойиб зарбаси билан дарвозани ишғол этади. Владикавказ жамоаси биринчи бўлиб ҳисобни очганига қарамай, якунда инглизлар 2:1 ҳисобида ғалаба қозонишади. Англияда ўтказилган жавоб учрашувида эса 0:0 ҳисоби қайд этилади.


Абдулвосид Бектемиров тайёрлади



Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг