08 май 09:54
Янгиликлар

Теннис

Мирра Андреева Рим WTA 1000 турнири илк даврасидаёқ ютқазиб қўйди

Италия пойтахти Рим шаҳрида теннис бўйича WTA 1000 тоифасига кирувчи нуфузли турнирнинг асосий тўр баҳслари бошланди.

Дунёнинг 40-ракеткаси бўлиб турган Мирра Андреева кутилмаганда илк даврадаёқ мағлубиятга учради. Россиялик 17 ёшли иқтидор эгаси WTA рейтингида 126-поғонада бораётган испаниялик Паула Бадосага ютқазиб қўйди - 2/6, 3/6.

Бу теннисчиларнинг ўзаро ўтказган илк учрашуви эди. Тўқсон тўрт дақиқа давом этган баҳсда иккала теннисчи ҳам 2 тадан эйс зарбасини амалга оширган. Қўшхатолар Бадосада кўпроқ бўлди - 4 га 2. Андреева 2, Паола 5 та брейк қайд этди. Энди испаниялик теннис маликаси иккинчи даврада америкалик Эмма Наваррога қарши кортга чиқади.