12 июн 13:32
Янгиликлар

Бокс/ММА

ММА олимпия спорт турларига киритилиши керакми?

UFC президенти Дана Уайтнинг фикрича, ММА аллақачон олимпия спорт турлари сафига киритилиши керак эди.

"ММА аллақачон олимпия спорт турлари сафидан ўрин олиши керак эди. ММАни бу рўйхатга қўшиш учун вақтимни беҳуда сарфламоқчи эмасман.

Тўғрисини айтсам, бунга унчалик аҳамият бермайман. Аммо, улар олимпия ўйинларига мухлислар қизиқишини оширишни истаса, ММАни рўйхатга киритишлари керак, деган фикрга қўшиламан", - деди Уайт.

Маълумот учун, айни вақтда бокс, дзюдо ва кураш спорт турлари ёзги олимпия ўйинлари рўйхатига киритилган.

Аввалроқ, Дана профессионал боксни кескин танқид қилган эди.