02 июл 01:02
Янгиликлар
Бокс/ММА
MMA Series чемпиони Бобур Қурбонов Сергей Бобришевга қарши қонли реванш жангини ўтказди
Россия пойтахти Москва шаҳрида MMA Series 70: All Stars мусобақаси якунига етди.
Мусобақанинг марказий жанги ярим ўрта вазн тоифаси чемпиони, ўзбекистонлик Бобур Қурбонов (13-5-0) иштирокида ўтди. Ҳамюртимизга собиқ рақиби, россиялик Сергей Бобришев (17-3-0) рақиблик қилди. 5 раундга мўлжалланган чемпионлик жанги тўлиқ давом этди ва унда афсуски, россиялик жангчи ғалаба қозонди ҳамда Бобур Қурбоновга тегишли чемпионлик камарини ўзиники қилди.
Эслатиб ўтамиз, Бобур Қурбонов айнан Сергей Бобришевни енгиб, чемпионлик камарига эга чиққан эди. Бу Қурбонов учун илк ҳимоя жанги эди.
Шунингдек, мусобақа доирасида яна бир ўзбекистонлик жангчи Алимжон Шодмонов (7-6-0) ҳам октагонга кўтарилди. Россиялик Василий Руденкога (8-0-0) қарши кечган баҳсда Шодмонов иккинчи раундда техник нокаут эвазига имкониятни бой берди.
Ҳавола :
Манба : olamsport.com
Фикрлар