20 май 12:26
Янгиликлар

Футбол

Модричнинг "Реал"даги келажаги маълум

Мадриднинг "Реал" клуби раҳбарияти ярим ҳимоячи Лука Модрич билан келишувни яна бир йилга узайтирмоқчи.

Хорватиялик футболчини жамоанинг янги бош мураббийи Хаби Алонсо ўйнатишни режа қилган. Шу сабабли "Реал"нинг янги устози раҳбариятдан хорватиялик 39 ёшли ярим ҳимоячи билан шартномани узайтиришни сўраган. Модричнинг клуб билан амалдаги битими ёзда якунига етади.

Маълумот учун, Модрич 2012 йилдан бери "Реал" сафида ҳаракат қилади. У жорий мавсум 55 та учрашувда майдонга тушди. Унинг ҳисобида 4 та гол ва 9 та голли узатма бор.