Мокаев нега навбатдаги жангини рейтинги паст рақиб билан ўтказишини тушунтирди

"Таиландда жароҳат олдим ва улар зудлик билан операция қилдиришим кераклигини айтишди. Англияга учиб кетдик, у ерда операция ва икки ҳафталик реабилитациядан ўтдим. Кейин яна Таиландга қайтдим.

Лондондаги турнирга ўн ҳафта қолганда мен UFC матчмейкердан бирорта рақиб топишини сўрадим. Икки ҳафта кутиб елкам қандай ишлашини кўрмоқчиман. Шунинг учун тайёр бўлганимда уларга хабар беришимни айтдим. Бир ҳафта ўтди ва UFC жангимни эълон қилди.

Менга айтишдики, 10-рақамли Дэвид Дворак рад жавобини берди. У Лондонда эмас, Америкада жанг қилмоқчи экан. Жефф Молина рейтингдан чиқиб кетди, Су Мудаэржи эса рад хавобини берди. Бизнинг дивизионда қийин вазият. Манел Капе Алекс Перес билан жанг қилади. Шунинг сабаб жанг қилишга рози бўлдим.

Рейтингга келсак, уларда жангсиз ҳам кўтариламан. Аллақачон 11-ўриндаман, олдин 15-ўринда эдим. Ўйлайманки, дам олиб кучли ўнталикка кираман" - деди Мокаев.