11 апр 15:53
Янгиликлар

Теннис

Monte-Carlo Masters. 15 та эйс Гуркачга қийин ғалабани тақдим этди

Дунёнинг саккизинчи ракеткаси Хуберт Гуркач Монте-Карло "Мастерс" турнирининг учинчи давра иштирокчисига айланди.

Польшалик теннисчи иккинчи босқичда ATP рейтингининг 90-поғонасидан бораётган испаниялик Роберто Баутиста-Агутни қийинчилик билан мағлубиятга учратди - 7/5, 7/6(4). Теннисчиларнинг ўзаро олтинчи учрашувига келиб мувозанат тикланди - 3:3.

Икки соату етти дақиқа давом этган баҳсда Гуркач 15, Баутиста-Агут 3 та эйс зарбасини амалга оширган. Энди Гуркач Rolex Monte-Carlo Masters турнирининг 1/8 финалида норвегиялик Каспер Руудга қарши кортга чиқади. Рууд иккинчи даврада чилилик Алехандро Табилодан устун келган.