14 апр 08:59
Янгиликлар

Теннис

Монте Карло “Мастерс”. Истомин бугун саралашда кортга чиқади

Бугун Франциянинг Монте-Карло шаҳрида теннис бўйича “Мастерс” сериясига кирувчи нуфузли турнирнинг саралаш баҳслари бошланади.

Мусобақанинг соврин жамғармаси 5 миллион 238 минг 735 еврони ташкил қилади. Турнирнинг биринчи ракеткаси сифатида испаниялик Рафаэль Надаль қайд этилган. У ўз иштирокини иккинчи даврадан бошлайди.

Монте-Карло “Мастерс” турнирида ҳамюртимиз Денис Истомин ҳам ўз имкониятини синовдан ўтказади. Мамлакатимизнинг биринчи ракеткаси саралашнинг илк даврасида испаниялик Марсель Гранольерсга қарши кортга чиқади.

Таққослаш учун, Денис Истомин айни пайтда дунё рейтингида 83, Гранольерс эса 129-ўринни эгаллаб турибди. Теннисчилар шу кунгача ўзаро икки бор тўқнаш келишган. Бир учрашувда Истомин, иккинчисида Марсель ғалаба қозонган.