МОҚ Бош котиби Грузия спорт вазири билан учрашди

 Делегация таркибидаги мамлакат спорт вазири Шалва Гоголадзе Ўзбекистон Миллий Олимпия қўмитасига ташриф буюрди.

Меҳмон учрашув доирасида Қўмита Бош котиби Ойбек Касимов ҳамда Ўзбекистон Республикаси Спорт вазирининг ўринбосари Шаҳрулло Маҳмудов билан икки томонлама ҳамкорликнинг янги босқичлари борасида фикр алмашди. 

Суҳбат давомида йирик комплекс мусобақаларга тайёргарлик кўришда ҳар икки давлат терма жамоалари иштирокида қўшма йиғинлар ўтказиш, мутахассислар ўртасида тажриба алмашиш каби масалалар муҳокама қилинди.

Учрашув Ўзбекистон ва Грузия ўртасидаги дўстона алоқаларни спорт соҳасида янада мустаҳкамлаш муҳим экани ва мазкур йўналишдаги ҳамкорлик янги босқичга кўтарилишини кўрсатди.