МОҚ Бош котиби IFMA вице-президенти билан учрашув ўтказди

Ўзбекистон Миллий Олимпия қўмитасига Муайтай ассоциацияларининг халқаро федерацияси (IFMA) вице-президенти, Европа ва Туркия муайтай федерацияларининг раҳбари Ҳасан Йилдиз ташриф буюрди. Меҳмонни МОҚ Бош котиби Ойбек Касимов қарши олди.

Томонлар самимий руҳда ўтган суҳбатда жорий йил Ченду шаҳрида ўтказиладиган Бутунжаҳон спорт ўйинлари, Ар-Риёд мезбонлик қиладиган Ислом бирдамлиги ўйинларига ўзбекистонлик спортчиларни пухта тайёрлаш борасида фикр алмашишди. 

Шунингдек, мамлакатимизда ушбу спорт турини янада ривожлантириш, ёшлар орасидаги оммавийлигини ошириш ҳақида ҳам сўз борди.