МОҚда яна бир таҳлилий-танқидий руҳдаги йиғилиш бўлиб ўтди ФОТОГАЛЕРЕЯ

МОҚ президенти Рустам Шоабдураҳмонов бошқарган йиғилишда бир нечта муҳим масалалар муҳокама қилинди. Йиғилишда яқиндагина МОҚ вице-президенти лавозимига тайинланган Сакен Полатов ва Азизжон Камилов, қатор спорт федерациялари раҳбарлари, спорт фахрийлари ҳамда ОАВ ходимлари иштирок этди.

Рустам Шоабдураҳмонов ўз сўзида спорт тиббиётига эътибор қаратиб, спортчиларни тиббий кўрикдан ўтказиш механизмига алоҳида урғу берди. МОҚ раҳбари терма жамоага номзод спортчиларнинг кўрикдан ўтказиш сарф-ҳаражатларига кўмаклашиш, умуман ушбу жараёнга жиддий эътибор қаратиш лозимлигини айтди. Аввалгидек битта кўз шифокорига кўриниш учун МОҚ қошидаги Республика спорт тиббиёти илмий-амалий марказига келиб ўтириш шарт эмаслиги таъкидланди.  

Шунингдек, Шоабдураҳмонов талабалар спортига ҳам атрофлича тўхталди ва бу йўналишда ислоҳотлар олиб борилишини таъкидлади. Бугунги кунда спортчиларнинг китоб мутолаасига бефарқлиги аччиқ бўлсада, ҳақиқат эканлиги айтилди. 

Бундан ташқари, Рустам Шоабдураҳмонов фахрий спортчилар билан ҳам мулоқотга киришди. Улар билан ҳафтада икки марта учрашиб, мулоқот қилишга келишиб олинди. 

МОҚ раиси ОАВ ходимларига юзланиб, спортда олиб борилаётган ислоҳотларни ёритишда кўмакчи бўлишлари, оммага фақат натижаларни айтиш билан кифояланмасдан, таҳлилий руҳдаги материаллар, спортчиларнинг чемпионлик шохсупасигача босиб ўтган машаққатли йўлни кўрсатиб беришларини сўради. 

Суратлар муаллифи - Алимурод Мамадаминов