11 авг 14:35
Янгиликлар

Бокс/ММА

Моралес Махачев - Гэрри жангини суғурталаш учун 9 кг вазн ташлаши керак

Асосий воқеаси Ислам Махачев ва Йен Мачадо Гэрри ўртасидаги чемпионлик жанги бўлган UFC 330 турнирига беш кун вақт қолди.

Ярим ўрта вазн тоифасидаги чемпионлик жанги учун расмий суғурталовчи бўлган эквадорлик Майкл Моралеснинг тахминан 9 кг вазн йўқотиши талаб этилади. Моралес жангчилардан бири октагонга чиқа олмаган тақдирда захира сифатида эълон қилинган. Жума куни у 170 фунт (77,1 кг) вазнга эришиши керак.

Дам олиш кунлари эквадорлик жангчи иккита пост жойлаштирди. Биринчисида у 223,1 фунт (101,2 кг) вазнини кўрсатди - бу ўқув-машғулот йиғинининг бошида эди. Кейинчалик у сўнгги ҳафта бошида 193,5 фунт (87,8 кг) вазнини эълон қилди. Кейин Моралес 190,7 фунт (86,5 кг) вазнни кўрсатди, бу ярим ўрта вазн чегарасидан 20,7 фунт (9,4 кг) ортиқ.