21 янв 10:44
Янгиликлар

Бокс/ММА

Мовсар Евлоев 18-ғалабасини қўлга киритди

Айни дақиқаларда Канаданинг Торонто шаҳрида навбатдаги UFC турнири бўлиб ўтмоқда.

"Скоушабэнк-Арена" мезбонлик қилаётган UFC 297 турнирининг асосий кардидан ўрин олган қизиқарли жанглардан бири британиялик Арнольд Аллен ҳамда россиялик Мовсар Евлоев ўртасида ўтказилди.

Уч раунд тўлиқ давом этган жангда Мовсар ҳакамларнинг якдил қарори билан ғалаба қозонди. Уч раундда британиялик тақиқланган зарба йўллади ва бунинг натижасида рефери жангни бир муддатга тўхтатиб турди.

Бугун Евлоев қаторасига 18-ғалабасини тантана қилди. У мағлубиятсиз юришини давом эттирмоқда. Аллен эса бугун фаолиятидаги учинчи мағлубиятини қабул қилиб олди. Арнольднинг ғалабалари сони 19 талигича қолди.