Мовсар Евлоев ACBJJ билан шартнома имзолади

Бу ҳақда лиганинг расмий ижтимоий тармоқ саҳифалари орқали маълум қилинди.

32 ёшли Мовсар Евлоев профессионал MMA фаолиятини 2014 йилда бошлаган. У 2019 йилдан буён UFC ташкилотида иштирок этиб келмоқда. Ҳозирга қадар UFC доирасида 9 та жанг ўтказиб, уларнинг барчасида ғалаба қозонган ва ҳали бирор марта ҳам мағлубиятга учрамаган.

Евлоев сўнгги жангини жорий йилнинг март ойида Буюк Британиянинг Лондон шаҳрида ташкил этилган UFC Fight Night 270 турнирида ўтказган. Ўша мусобақада у ҳакамларнинг якдил қарори билан британиялик Лерон Мёрфини мағлуб этганди.