Мовсар Евлоев Дана Уайтга: "Шунисига ҳам раҳмат!"

У промоушен раҳбарининг россиялик аралаш яккакураш устасига чемпионлик жангини кафолатламагани, бироқ уни ярим енгил вазн тоифасида амалдаги UFC чемпиони Александр Волкановскининг энг эҳтимолий рақиби деб атаган сўзларига изоҳ берди.

"Раҳмат, Дана амаки. Илгари мени фақат мазах қилардингиз. Аммо бу ҳали ҳам давом этиши мумкин. Кейин нима бўлишини кўрамиз. Мен чемпионлик учун жанг қилишга тайёрман, аммо менга яна бир дебютантни беришингиз ҳам мумкин. Буни ҳам истисно қилмайман", - деди Евлоев Лондондаги UFC Fight Night 270 турниридан кейин ўтказилган матбуот анжуманида.

Россиялик ҳакамларнинг кўпчилик овози билан ғалаба қозонганидан сўнг, ММА ҳамжамияти иккига бўлинди. Баъзилар британияликни ушбу жанг ғолиби деб атади. Лига раҳбари эса жанг натижасини баҳсли деб ҳисобламайди.

"Ҳакамлардан бири дуранг қайд этди ва мен бу ерда ҳеч қандай баҳсли жиҳатни кўрмаяпман", - деди Уайт тадбирдан сўнг журналистлар билан суҳбатда.