Мозес Итаума навбатда турганлар рўйхатини эълон қилди

Британиялик боксчи куни кеча Саудия Арабистонида ўтказилган проф бокс оқшомида тажрибали ватандоши Диллиан Уайтни биринчи раунднинг ўзида нокаут эвазига мағлубиятга учратган эди. 

"Филип Хрговичга қарши жанг мен учун қизиқ туюляпти — аввалроқ у билан фикримиз бир жойдан чиқмаганди. Филип билан ўзаро ҳисоб-китобимиз бор. Лекин ким билан жанг қилишимни промоутер ва менежерим ҳал қилади. Агар улар мендан ким билан жанг қилишимни сўрашча, мен Хрговични танлаган бўлардим", — деди Итаума.

Мозеснинг промоутери Фрэнк Уоррен ҳам бу масалада ўз фикрини билдирди. 

"Итаума учун актуал жанглар бор. Менга Отто Валлин, Филип Хргович ва Чжан Чжилэйга қарши жанглар ёқяпти. Ўйлашимча, биз яқин бир йил ичида шу учта жангга эътибор қаратамиз. Келаси йил ёзда жиддий рақиблар ва албатта чемпионлик жанги ҳақида ўйлай бошлаймиз. Хргович - Дэвид Аделейе ёки Валлин - Чжилей жанглари ғолибини кўриш шахсан мен учун қизиқ бўляпти", — деди функционер.