MPL вице-президенти Жасур Алижонов ўз ММА Лигасига асос солди

Лига асосчиси кўпчиликка таниш ММА мураббийи Жасур Алижонов ҳисобланади.

"Бугун "Мангу" профессионал Лигасининг расмий очилиш конференцияси бўлиб ўтди. Ушбу тадбир давомида асосий мақсадимиз аниқ ва қатъий эканини таъкидладик — тарихда қолиш. Олдинда катта йўл, катта марралар бор. Бизнинг йўлимиз сифатдан бошланади.

"Мангу" профессионал лигаси Ўзбекистонда фақатгина юқори даражадаги, сифатли лигалар сафидан ўрин олишни мақсад қилган. Ҳар бир қарор, ҳар бир қадам келажак тарихини яратиш учун ташланмоқда.

Очилиш конференциясида иштирок этиб, бизни қўллаб-қувватлаган барча меҳмонларга чин юракдан раҳмат. Олдинда катта режалар ва катта натижалар кутмоқда", - деди Алижонов.

Алижонов ўз шогирдларидан бири, собиқ UFC жангчиси Маҳмуд Мурадов эгалик қилувчи Muradov Professional League'сида вице-президент ҳисобланарди.

Mangu MMA'нинг илк турнири 2026 йилнинг 7 февраль куни пойтахтимиздаги "Ҳумо Арена"да бўлиб ўтади.