28 июл 07:31
Янгиликлар

Теннис

Mubadala Citi DC Open. Лейла Фернандес финалда Калинскаяни сочиб ташлади

АҚШ пойтахти Вашингтон шаҳри мезбонлик қилган WTA 500 тоифасига кирувчи нуфузли теннис турнири якунига етди.

Ҳал қилувчи финал баҳсида дунёнинг 36-ракеткаси бўлиб турган канадалик Лейла Фернандес WTA рейтингида 48-поғонада борган россиялик Анна Калинскаяга қарши кортга чиқди. Олтмиш тўққиз дақиқа давом этган учрашувда Лейла рақибасини сезмади - 6/1, 6/2.

Бу теннис маликаларининг ўзаро ўтказган иккинчи учрашуви бўлди - 2:0. Калинская 1, Фернандес 2 та эйс зарбасини амалга оширган. Брейклар бўйича мутлақ устунлик ғолиб томонда бўлди - 4 га 0.

Бу канадалик иқтидор эгасининг мавсумдаги тўртинчи WTA соврини бўлди. Mubadala Citi DC Open турниридаги муваффақиятли иштирок Фернандесга 500 рейтинг очкоси ҳамда 197 570 доллар мукофот пули келтирди. Калинская эса бир ҳафталик меҳнатидан 325 очко ва 121 880 доллар ишлаб олди.