15 июл 08:29
Янгиликлар

Бокс/ММА

Муҳаммад Мокаев бу сафар ҳам Абу-Дабида жанг қилади, рақиб Топ-10 вакили!

21 октябрь куни Бирлашган Араб Амирликлари пойтахти Абу-Даби шаҳрида UFC 294 турнири бўлиб ўтади.

Оқшомдан ўрин олган илк жанг расман маълум бўлди. Унда ўта енгил вазн тоифасининг умидли вакилларидан бири британиялик Муҳаммад Мокаев (9-0-0) америкалик Тим Эллиотга (19-12-1) қарши октагонга чиқади. Тим ўта енгил вазн тоифаси рейтингида 10-поғонада бормоқда.

Эслатиб ўтамиз, Мокаев сўнгги жангини март ойида Жафел Фильога қарши ўтказиб, ғалаба қозонган эди. У ўтган йилги Абу-Даби турнирида ҳам жанг қилган. UFC 280 турниридаги Малькольм Гордонга қарши кечган жангда Мокаев муддатидан олдин ғолиб бўлган эди. 36 ёшли Тим Эллиот эса охирги жангини июнь ойида Виктор Альтамиранога қарши ўтказиб, зафар қучган.