10 апр 09:06
Янгиликлар

Бокс/ММА

Муҳаммад Наимовнинг UFC'даги навбатдаги рақиби, жанг санаси ва манзили маълум

22 июнь куни Саудия Арабистонининг Ар-Риёд шаҳрида илк бор UFC ўз турнирини ўтказади.

Ушбу оқшомдан ўрин олган навбатдаги жанг ҳам эълон қилинди.

Унга кўра, ярим енгил вазн тоифасида тожикистонлик аралаш яккакураш устаси Муҳаммад Наимов (12-2-0) айнан ушбу мусобақада октагонга кўтарилади. Унга ўша куни Арманистон вакили Мелсик Багдасарян (8-2-0) рақиблик қилади.

Турнирнинг марказий жанги эса БАА вакили Хамзат Чимаев ҳамда австралиялик Роберт Уиттакер ўртасида кечади.

Эслатиб ўтамиз, Муҳаммад Наимов UFC'даги сўнгги жангини 24 февраль куни Эрик Силвага қарши ўтказиб, илк раундда нокаут орқали зафар қучган эди.