18 фев 11:36
Янгиликлар
Бокс/ММА
Муҳаммаджон Қурбонов Тошкентда чемпионлик камари учун жанг қилади
Муҳаммаджон Қурбоновнинг навбатдаги рақиби ва жанг санаси маълум бўлди.
4 март куни пойтахтимиз Тошкентда Octagon 42 мусобақаси бўлиб ўтади.
Ушбу мусобақа доирасида ярименгил вазнда ўзбекистонлик аралаш яккакураш устаси Муҳаммаджон Қурбонов (9-4) ҳам жанг қилиши маълум бўлди. Қурбоновга ўша куни қирғизистонлик Арген Абдикадиров (7-0) рақиблик қилади. Эътиборлиси, ушбу жанг ярименгил вазнда Octagon чемпионлик камари учун бўлиб ўтади.
Шунингдек, ушбу мусобақа доирасида қозоғистонлик Самат Мамедов (4-0) ва ўзбекистонлик Достон Бозоровлар (7-1) енгил вазн чемпионлиги учун курашишади.
Бундан ташқари, пойтахтимиз мезбонлик қиладиган мусобақада Одилхон Камолов, Ҳикматилло Абдуллаев, Суҳроббек Атажанов каби жангчиларимиз октагонга кўтарилишади.
Ҳавола :
Манба : instagram.com/octagonleague
Фикрлар