25 окт 08:04
Янгиликлар

Бокс/ММА

Мужибилло Турсунов ҳам Тошкентдаги бокс оқшомида рингга кўтарилади

Аввал хабар берганимиздек, 17 ноябрь куни Тошкентдаги "Ҳумо Арена" мажмуасида Lift Promotions промоутерлик компанияси ўзининг навбатдаги бокс оқшомини ташкил этади.

Мазкур бокс оқшомидан ўрин олган яна бир жанг маълум бўлди. Унга кўра, биринчи ярим ўрта вазн (63,5 кг) тоифасидаги чарм қўлқоп устамиз Мужибилло Турсунов (3-0-0) хитойлик Янгчен Жинг (12-6-2)га қарши рингга кўтарилади.

Эслатиб ўтамиз, Мужибилло Турсунов проф боксдаги сўнгги жангини шу йилнинг 16 июнь куни қозоғистонлик Дилшат Нуримга қарши ўтказиб, ғалаба қозонган ва WBC Asia камарини қўлга киритган эди.

Аввалроқ, 17 ноябрь кунги бокс оқшомининг бошқа жанглари ҳақида маълумот берган эдик.